|
ᒋᒥᔅ ᐱ ᑭᔭ ᓇᔅᑲᐱ ᑲᒪᒧᐎᑐᓇᓄᒡ ᐊᔭᔭᑎᓐᑎᓱᑦ, ᐊᑲ ᐊᓐᑕ ᐅᒋᐱᐃᒡ ᒋᓴᐅᒋᒪᑲᓂᒡ ᒐᐅᒋᒥᑕᑲᓄᒡ ᒐᒋ ᓇᓇᑭᒋᑕᑦ ᐊᓂᔭ ᐊᓯᐱᒻᐱᑕᑲᓄᒡ ᐊᓯᑐᔅᑲᔅᑕᑲᓄᒡ ᒋᒥᔅ ᐱ ᑭᔭ ᓇᔅᑲᐱ (ᐅᑕ ᑯᐸᒃ) ᐎᓱᐛᐅᓐ - ᑲᓐᑕ ᐅᔅᑲᒡ ᐊᔭᔭᓐᑎᓐᑎᒡ ᐊᓯᑐᔅᑲᔅᑕᑎᓱᒡ ᐃᑎᓱᐛᐅᓐ ᐊᓐᑕ ᐊᒋᑕᐸᑕᑲᓄᒡ ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ ᓂᔅᑯᒧᐅᓐ ᑭᔭ ᑯᐸᒃ ᓇᔅᑲᐱ ᓂᔅᑯᒧᐅᓐ᙮ ᒋᒥᔅ ᐱ ᑭᔭ ᓇᔅᑲᐱ ᑲᒪᒧᐎᑐᓇᓄᒡ ᐛᒋᒥᑕᑲᓄᒡ ᑭᔭ ᓱᒋᔪᐅᓐ ᐊᑐᔅᒐᒪᑲᒡ ᐊᓐᑕ ᐎᓱᐛᐅᓂᒡ, ᐛᒋᔭᔅᑯᔅᑕᑲᓄᒡ ᐊᓐᑕ ᐊᓯᑯᒻ ᓂᓱᐳᓇ ᒥᓯᓇᐃᑭᓐ ᐊᐎᐎᐱᑕᑲᓄᒡ ᐊᓯᑐᔅᑲᔅᑕᑲᓄᒡ ᐎᓱᐛᐅᓐ ᑭᔭ ᐎᓇᑐᔅᒐᐃᑕᑲᓄᒡ ᐃᔨᒧᐅᓐ ᐊᓯᐱᒻᐱᑕᑲᓄᒡ ᐎᓱᐛᐅᓐ᙮ ᐅᑕᒡ ᐃᔨᒧᐅᓐ ᐊᓐᑕ ᐛᒋᐱᐃᒡ ᐅᑎᑐᔅᒐᐅᓄᐛᐤ ᑭᔭ ᐛᒋᐛᑎᓱᐛᑲᓄᒡ ᒋᒥᔅ ᐱ ᑭᔭ ᓇᔅᑲᐱ ᐎᓱᐛᐅᓂᒡ ᐊᓐᑕ ᐊᐛᐸᑎᐛᓄᒡ ᐊᓐᑕ ᐊᓯᐱᒧᑕᒪᑲᒡ ᐊᔭᔭᑎᓐᑎᓱᒡ ᒋᒥᔅ ᐱ ᑭᔭ ᓇᔅᑲᐱ ᐃᔪᒡ ᐊᓐᑕ ᒋᐛᑎᓄᒡ ᑯᐸᒃ ᐅᑎᔅᒋᐛᒡ᙮ ᐊᓐᑕ 1975 ᐱᐳᓐ, ᓇᒡ ᒋᒥᔅ ᐱ ᑭᔭ ᐃᔅᒋᒪᐅᒡ ᑲᓇᒋᐱᔅᑕᑐᒡ ᑭᔭ ᑲᒥᓯᓇᑕᐅᑎᓱᒡ ᓂᔅᑯᒧᐅᓂᔪᐤ ᐊᓂᔭ ᐊᑐᐛ ᑭᔭ ᑯᐸᒃ ᒋᓴᐅᒋᒪᑲᓇ ᑭᔭ ᐱᑐ ᒋᓴᐅᒋᒪᑲᓇ ᒐᒋ ᒥᔪᔅᑕᑲᓄᒡ ᐊᔅᒋᔾ ᑎᐸᐃᑎᒧᐅᓐ ᑭᔭ ᑲᐛᔅᑕᑲᓄᒡ ᑲᐃᑐᑕᑲᓄᒡ ᐊᓐᑕ ᒐᐃᔅ ᒪᑕᐃᑕᒂᒡ ᐛᒋᒥᑕᑦ ᑯᐸᒃ ᒋᓴᐅᒋᒪᐤ ᒋᒥᔅ ᐱ ᓂᒥᔅᒋᐅᔅᑯᑕᐤ ᐊᑐᔅᒐᐅᓐ᙮ ᐊᓐᑕ 1978 ᐱᐳᓐ, ᑲᒥᓯᓇᑕᐅᑎᓱᓇᓄᒡ ᓇᔅᑲᐱ ᑯᐸᒃ ᓂᔅᑯᒧᐅᓐ ᑲᑐᑕᑲᓄᒡ ᑲᓇᑎᐱᔅᑕᑐᒡ ᓇᔅᑲᐱ ᐃᔪᒡ ᑭᔭ ᐊᓂᓱᐎᒋᒡ ᒋᓴᐅᒋᒪᐅᒡ ᑭᔭ ᐱᑐ ᒋᓴᐅᒋᒪᐅᒡ ᐊᓐᑕ ᔭᐱᒡ ᑲᒥᓯᓇᑕᐅᑎᓱᒡ ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ ᓂᔅᑯᒧᐅᓯᓇᐃᑭᓂᔪᐤ᙮ ᐅᔭ ᓂᓱ ᓂᔅᑯᒧᐅᓇ ᐊᓄᒡ ᐃᔪᒡ ᐊᔌᑎᑯᒡ ᐊᓐᑕ ᐊᓂᔅᑐᐛᐸᑕᑲᓄᒡ ᐊᑭᔅᑭᑎᔅᑕᒡ 35(3) ᐊᓐᑕ ᑲᓇᑕ ᐃᑎᓱᐛᐅᓂᒡ᙮. ᐅᑎᑐᔅᒐᐅᓄᐛᐤ ᑲᒪᒧᐎᑐᓇᓄᐃᒡ ᐊᐱᔅᑕᒡ ᐃᔨᒧᐅᓂᔪᐤ ᒐᐎᐱᒧᑕᒡ ᐊᓐᑕ ᐊᑐᐛ ᒋᓴᐅᒋᒪᐅᒍᐛᐱᒡ ᐊᓐᒡ ᒋᒥᔅ ᐱ ᑭᔭ ᓇᔅᑲᐱ (ᐅᑕ ᑯᐸᒃ) ᐎᓱᐛᐅᓐ ᐊᓐᑐᐛᐃᑎᒧᐛᑲᓄᒡ ᒋᒥᔅ ᐱ ᑭᔭ ᓇᔅᑲᐱ ᑲᒪᒧᐎᑐᓇᓄᐃᒡ ᐊᐱᔅᑕᒡ ᒐᒋ ᐊᑐᑕᒡ ᒥᓯᓇᐃᑭᓂᔪᐤ ᒐᒋ ᐱᔅᑎᓇᒡ ᐊᓐᑕ ᐊᑐᐛ ᒋᓴᐅᒋᒪᐅᒍᐛᐱᒡ ᐊᓯᑯᒻ ᓂᓱᐳᓇ ᐊᓐᑕ ᓄᑎᒻ ᑲᐃᑎᑯᑕᒡ ᑲᐃᔅ ᐊᑐᔅᑲᔅᑕᑲᓄᒡ ᑭᔭ ᐊᓯᐱᑯᓴᐃᒧᐅᓇᓄᒡ ᐊᓐᑕ ᐎᓱᐛᐅᓂᒡ᙮ ᐅᐛ ᒥᓯᓇᐃᑭᓐ ᐊᔭᔅᑯᔅᑕᑲᓄᒡ ᑲᒋ ᓂᔅᑯᐛᑲᓄᒡ ᐃᔪᒡ ᐃᔪᔅᒋᔭ ᑭᔭ ᐊᑐᐛ ᒋᓴᐅᒋᒪᐤ ᐊᓐᑕ ᑲᐃᔅ ᐱᐧᑯᒋᑕᑲᓄᒡ ᒐᒂᓐ ᑭᔭ ᐛᔅᑐᐱᐃᒡ ᑭᔭ ᐊᔭᐃᒪᐃᑎᒥᐛᒡ ᒐᒂᓐ ᑭᔭ ᐊᑎᑯᑕᒡ ᒐᒂᓐ ᐊᑐᔅᑲᔅᑕᑲᓄᒡ᙮
ᐊᓇᑐᔅᒐᐃᑕᑲᓄᒡ ᑭᔭ ᐊᐱᒧᑕᑲᓄᒡ ᐃᔨᒧᐅᓐ ᓂᓱ ᐊᓯᓇᑯᓂᒡ ᐅᑎᑐᔅᒐᐅᓄᐛᐤ, ᑲᒪᒧᐎᑐᓇᓄᐃᒡ ᐊᐱᔅᑕᒡ ᑲᓄᐛᐃᑕᒡ ᓱᒋᔪᐅᓂᔪᐤ ᒐᒋ ᑲᔅᑎᓇᒡ ᑭᔭ ᓇᑐᔅᒐᐃᑕᒡ ᒐᒂᔪᐤ ᐊᔭᐃᒪᐃᑎᒥᐛᐃᒡ ᐊᓐᑕ ᐃᔪᐛ ᐊᓯᑐᔅᑲᔅᑕᑲᓄᒡ ᐎᓱᐛᐅᓐ ᑭᔭ ᐊᔭᔅᑯᔅᑕᒡ ᒥᓯᓇᐃᑭᓂᔪᐤ ᑭᔭ ᒐᐃᓯᐱᒧᑕᓄᐤ ᐊᓇᑐᔅᒐᐃᑕᑲᓄᒡ ᐃᔨᒻᒧᐅᓐ᙮ ᒋᒥᔅ ᐱ ᑭᔭ ᓇᔅᑲᐱ ᑲᒪᒧᐎᑐᓇᓄᐃᒡ ᐊᐱᔅᑕᒡ ᐸᔅᑎᓂᒺᒡ ᒐᒂᔪᐤ ᐊᔭᐃᒪᐃᑎᒥᐛᒡ ᐊᓐᑕ : ᒋᒥᔅ ᐱ ᐃᔪᔅᒋᔭ ᑭᔭ ᐃᔪᐛ
ᓇᔅᑲᐱ ᐃᔪᒡ ᑭᔭ ᐃᔪᒡ
ᐅᒡ ᑲᓇᑐᑲᔅᑎᓇᑲᓄᒡ ᓇᑲᓄᔅᑲᒃ: Richard Saunders ᐅᒋᒪᐤ: Robert Kanatewat ᐅᒋᒪᐤ: Philip Awashish ᑲᒪᒧᐎᑐᓇᓄᐃᒡ ᐅᒥᓯᓇᐃᑭᓐᒍᐛᐳᐛᐤ ᐊᑕᐃᒋ ᐊᓐᑕ ᐅᑯᐸᓇᒧᐛᐛ ᐅᒋᒪᐤ ᑲᒥᓯᓇᐃᒐᓯᒋ ᑭᔭ ᑲᒋᓯᑲᒐᑦ ᑭᔭ ᐛᔅᑕᔅᑯᐛᑦ ᑲᒥᓯᓇᐃᒐᓯᒋ ᑭᔭ ᑲᒥᓯᓇᐃᒐᔅᑦ᙮ ᑲᒪᒧᐎᑐᓇᓄᐃᒡ ᐊᐱᔅᑕᒡ ᔭᐱᒡ ᐊᒪᒧᔅᑕᒡ ᐃᔨᒧᐅᓂᔪᐤ ᐊᓐᑕ ᒐᒋ ᐱᔅᑎᓂᒺᒡ ᐃᔪᔅᒋᔭ ᑭᔭ ᑯᑎᑲ ᑲᒐᐅᒋᒪᑐᔅᒐᐃᒋ᙮ ᑐᐎᔅ ᐎᓇᑐᔅᒐᐃᑎᒪᒄ ᐃᔨᒧᐅᓐ ᒐᐃᒥᔭᒄ ᐊᓐᑕ ᒥᓯᓇᐃᑭᒍᐛᐱᒡ ᐅᔅᑭᒋᑐᔅᑲᓐ ᐃᔅᐱᔅ ᓂᒪᓯᒺᑭᓐ ᐱᓯᒧᒂᓐ ᐃᔅᐱᐃᒡ ᔭᓇᐤ ᑎᐸᐃᑭᓇ ᒐᒐᐸᔭᐸᒡ ᐃᔅᐱᔅ ᐱᑕᑕᒡ ᑎᐸᐃᑭᓇ ᐊᐅᑕᑯᓯᒡ᙮
ᐊᑎᒂᒡ ᒋᒥᔅ ᐱ ᑭᔭ ᓇᔅᑲᐱ ᑲᒪᒧᐎᑐᓇᓄᒡ ᒥᓯᓇᐃᑭᓐᒍᐛᑉ |