ᐃᔨᔨᐤ-ᓇᔅᑳᐲ ᐁ ᒫᒨᐱᔥᑖᑲᓅᒡ ᑎᐹᓐ, ᓇᒧᐃ ᑎᐯᔨᐦᑎᒉᓰᐎᓂᐦᒡ ᐃᔑ ᐱᒥᐸᔨᐦᑖᑲᓅ ᐁ ᓇᓈᑲᒋᐦᑖᑲᓅᐦᒡ ᐁ ᐱᒥᐸᔨᐦᒡ ᐊᓐ ᐃᔨᔨᐤ-ᓇᔅᑳᐲ (ᐅᑕ ᑰᐯᒃ) ᐐᔓᐌᐎᓐ - ᐁᐅᑰ ᒫᐅᒡ ᓃᔥᑕᒻ ᐁ ᐃᐦᑕᑯᐦᒡ ᐁ ᐃᑌᔨᐦᑖᑯᐦᒡ ᐐᔓᐌᐎᓐ ᐅᑕ ᑳᓇᑖ ᐃᔨᔨᐅᒡ ᑌᑭᔥ ᐐᔭᐙᐤ ᐁᐐ ᐱᒥᐸᔨᐦᐄᑎᓱᑣᐤ ᐊᓂᔫ ᒉᐃᒥᔅ ᐯᐃ ᑲᔦ ᒌᐌᑎᓅᑖᐦᒃ ᑰᐯᒃ ᓇᔅᑯᒧᐎᓂᔫ ᓀᔅᑕ ᒌᐌᑎᓂᐙᐸᓅᑖᐦᒡ ᑰᐯᒃ ᓇᔅᑯᒧᐎᓃᔫ ᐁ ᐐᒋᐦᐄᑯᑣᐤ ᑖᓐ ᐁ ᐃᒋᔥᑌᔨᐦᒡ ᐊᓂᑕ᙮ ᐆ ᐃᔨᔨᐤ-ᓇᔅᑳᐲ ᐁ ᒫᒨᐱᔥᑖᑲᓅᒡ, ᐊᓐ ᐐᔓᐌᐎᓐ ᐁᒌ ᐅᐦᒋ ᐃᐦᑕᑯᐦᒡ ᓀᔅᑕ ᐌᐐᔓᐌᒡ, ᒣᓯᑯᒻ ᓃᔓᐳᓐᐦ ᐅᔑᐦᑖᐅᒡ ᑎᐹᒋᒨᓯᓇᐦᐄᑲᓂᔫ ᐁ ᐐᐦᑕᐦᒀᐤ ᑖᓐ ᑳ ᐯᒋ ᐃᔅᐸᔨᐦᒡ ᐁ ᐱᒥᐸᔨᐦᑖᑲᓅᐦᒡ ᐆ ᐐᔓᐌᐎᓐ ᑲᔦ ᓈᓂᑑ ᒋᔅᒉᔨᐦᑕᒧᒡ ᒉᒀᔫ ᐁᐯᒋ ᐋᔨᒨᑕᒧᐙᑲᓅᑣᐤ ᐁ ᐃᔑ ᐙᐸᐦᑖᑲᓄᔨᒡ ᐁ ᐃᔅᐸᔨᒡ ᐅᔫ ᐐᔓᐌᐎᓂᔫ ᐁ ᐱᒥᐸᔨᐦᑖᑲᓄᔨᒡ᙮
ᓃᔥᑕᒻ ᒉᒌ ᒋᔅᒉᔨᐦᑖᑯᐦᒡ ᐋᐸᑎᓱᐎᓂᔫ ᑳ ᒥᔮᑲᓅᑣᐤ ᓀᔅᑕ ᐅᒋᒫᐎᓂᔫ ᐁᑯᑦ ᐌᐦᒋᐸᔨᒡ ᐊᓂᔫ ᐃᔨᔨᐤ-ᓇᔅᑳᐲ (ᐅᑕ ᑰᐯᒃ) ᐐᔓᐌᐎᓂᐦᒡ ᐌᔅ ᐁᑯᑦ ᐙᐦᑖᑯᐦᒡ ᑖᓐ ᐁ ᐃᑌᔨᐦᑖᑯᐦᒡ ᐅᒋᒫᐦᑳᓐ ᑎᐯᔨᐦᒋᒉᐎᓐ ᐊᓂᑌ ᐃᔨᔨᐤᒡ ᐅᑕᔅᒌᐙᐦᒡ ᓀᔅᑕ ᑲᔦ ᓇᔅᑳᐲ ᐅᑕ ᒌᐌᑎᓅᑖᐦᒡ ᑰᐯᑲᐦᒡ ᑳ ᐃᐦᑖᑣᐤ᙮ 1975 ᑳ ᐃᒋᔥᑌᒡ ᐊᔅᒌᐤ ᐊᒋᐦᑖᓱᓐ, ᐃᔨᔨᐅᒡ ᑲᔦ ᐄᔅᒌᒣᐅᒡ ᐅᑕ ᒌᐌᑎᓅᑖᐦᒡ ᑰᐯᒃ ᑳ ᐃᐦᑖᑣᐤ ᐁᒄ ᒫᒃ ᐊᑐᐙ ᓀᔅᑕ ᑰᐯᒃ ᑎᐯᔨᐦᒋᒉᓲᒡ ᑲᔦ ᐊᓂᒌ ᓂᔥᑐ ᒋᔐᐅᒋᒫᐤ ᑲᒻᐸᓃᒡ ᐊᓐ ᐅᐦᒋ ᑳ ᒪᓯᓇᐦᐆᓱᓈᓅᐦᒡ ᒉᐃᒥᔅᐯᐃ ᑲᔦ ᒌᐌᑎᓅᑖᐦᒡ ᑰᐯᒃ ᓇᔅᑯᒧᐎᓐ ᐁᑯᑦ ᑳ ᐅᐦᒋ ᒋᐦᒋᐸᔨᐦᒡ ᐁ ᐐᒑᐸᑎᓰᒥᑐᑣᐤ, ᓇᒧᐃ ᐎᔮᔅᑯᓂᒉᐅᑲᒥᑯᐦᒡ ᐅᐦᒋ ᓇᔅᑯᒧᓈᓅ ᐊᓂᔫᐦ ᒉᒀᔫ ᑳ ᓂᑐᐌᔨᐦᑖᑲᓅᐦᒀᐤ ᒫᒃ ᐊᓂᐦᐄᐦ ᑲᔅᒋᐦᐅᐎᓐᐦ ᓀᔅᑕ ᐊᓐ ᐊᔅᒌ ᑖᓐ ᒉ ᐄᑖᐸᑕᐦᒡ ᓈᔅᒡ ᐁ ᒥᔖᒡ ᐁᐅᑰ ᐊᔅᒌ ᒥᔅᑕᐦᐄ ᒉ ᐗᓈᒋᐦᑖᑯᐸᓀ ᑰᐯᒃ ᑎᐯᔨᐦᒋᒉᓲ ᐁ ᐅᔥᑯᑎᒥᐦᒉᑦ᙮ 1978 ᑳ ᐃᒋᔥᑌᒡ ᐊᔅᒌᐤ ᐊᒋᐦᑖᓱᓐ, ᒦᓐ ᑯᑕᒡ ᓇᔅᑯᒧᐎᓐ ᒌ ᐅᔑᐦᑖᑲᓅ ᐁ ᓂᔅᐱᑖᑑᒪᑲᐦᒡ ᐆ, ᓇᔅᑳᐲᐤ ᐄᓅᒡ ᐁᒄ ᒫᒃ ᐅᒌ ᓃᔓ ᑎᐯᔨᐦᒋᒉᓲᒡ ᓀᔅᑕ ᐊᓂᒌ ᒋᔐᐅᒋᒫᐤ ᑲᒻᐸᓃᒡ ᒌ ᐱᒥᐸᔨᐦᑖᐅᒡ ᐅᔫ ᐁᐅᑰᒌ ᔮᐸᒡ ᑳ ᒪᓯᓇᐦᐆᓱᑣᐤ ᒉᒥᔅ ᐯᐃ ᑲᔦ ᒌᐌᑎᓅᑖᐦᒡ ᑰᐯᒃ ᓇᔅᑯᒧᐎᓂᔫ᙮ ᑖᐱᔅᑯᓐ ᒫᒃ ᐅᔫ ᓇᔅᑯᒧᐎᓐᐦ ᔮᒄ ᐃᐦᑕᑯᓐ ᐆ ᐁ ᐃᔑᓈᑯᐦᒀᐤ ᒌᐦᑳᔮᐸᐦᑖᑲᓅᐦ ᐁᐅᒄ ᒫᒃ ᐁ ᐃᔑ ᒌᐦᑳᔮᐸᐦᑖᑲᓅᐦᒀᐤ ᐊᓂᑌ ᑳᐸᐦᑳᓂᔅᑌᒡ 35 (3) ᑳ ᐃᒋᔥᑌᒡ ᑳᓇᑖ ᐐᔓᐌᐎᓂᐦᒡ᙮
ᒉ ᐄᑖᐸᑎᓯᑣᐤ ᐊᓂᒌ ᒥᔮᒨᐱᔥᑕᐦᒀᐤ ᑎᐯᔨᐦᑎᒉᓰᓈᐦᒡ ᑲᑕ ᐸᒋᔥᑎᓇᒧᒡ ᑎᐹᒋᒨᓯᓇᐦᐄᑲᓂᔫ ᐐᔥᑌᔫ ᐊᓂᑕ ᐃᔨᔨᐤ-ᓇᔅᑳᐲ ᐐᔓᐌᐎᓂᐦᒡ ᐃᔨᔨᐤ-ᓇᔅᑳᐲ ᑳ ᒫᒨᐱᔥᑕᐦᒀᐤ ᒉ ᐅᔑᐦᑖᑣᐤ ᑎᐹᒋᒨᓯᓇᐦᐄᑲᓂᔫ ᑳᓇᑖ ᑎᐯᔨᐦᑎᒉᓰᓈᐦᒡ ᒉ ᐸᒋᔥᑎᓇᐦᒀᐤ ᒣᓯᑯᒻ ᓃᔓᐳᓐᐦ ᐁ ᐐᐦᑕᐦᒀᐤ ᑖᓐ ᑳ ᐊᑎ ᐃᔅᐸᐃᐦᒡ ᒉᒀᓐ ᑲᔦ ᑖᓂᑕ ᐁ ᐃᐦᑕᑯᐦᒡ ᑖᓐ ᑳ ᐃᔑ ᐋᐸᑎᓰᔥᑖᑲᓅᐦᒡ ᐆ ᐐᔓᐌᐎᓐ᙮ ᐆ ᑎᐹᒋᒨᓯᓇᐦᐄᑲᓐ ᑳ ᐅᐦᒋ ᐃᐦᑕᑯᐦᒡ ᓃᔥᑕᒻ ᒌ ᐊᔨᒥᐦᐋᑲᓄᐎᒡ ᐃᔨᔨᐤᒡ ᐊᓂᑌ ᒥᓯᐌ ᐊᓂᐦᐄᐦ ᐃᔨᔨᐤ ᐊᐦᑖᐎᓐ ᑲᔦ ᐊᑐᐙ ᒋᔐᐅᒋᒫᐤ ᐁ ᒌ ᐙᐐᐦᑕᒧᐙᑲᓅᑣᐤ ᒉᒀᓂᐦᐄ ᑳ ᒥᔫᐸᔨᐦᒀᐤ, ᒫᒃ ᑲᔦ ᐌᔥᑖᐸᔨᐦᐄᐌᒀᐤ, ᓀᔅᑕ ᒣᑯᔥᑳᑌᔨᐦᑕᒥᐦᐄᐌᒀᐤ ᑲᔦ ᑖᓐ ᐁ ᐃᔑ ᐋᐦᒋᐸᔨᐦᒡ ᒉᒀᓐ ᐆ ᐁ ᐃᔑ ᐋᐸᑎᓰᔥᑖᑲᓅᐦᒡ᙮
ᐁ ᓂᑑ ᒋᔅᒉᔨᐦᑖᑲᓅᐦᒡ ᒉᒀᓐ ᐁᑳ ᓇᐦᐄᔅᑳᒉᒪᑲᐦᒡ ᐃᐦᑕᑯᓂᔫ ᒦᓐ ᐁᒌᔑ ᒥᔮᑲᓅᑣᐤ ᐊᓂᒌ ᒥᔮᒨᐱᑣᐤ ᒉ ᐃᔑ ᐋᐸᑎᓰᔥᑕᐦᒀᐤ, ᐊᔮᐅᒡ ᐅᒋᒫᐎᓂᔫ ᒉᒌ ᐅᑎᓇᐦᒀᐤ ᑲᔦ ᐃᐦᑕᑯᓂᔫᐦ ᑖᓐ ᒉ ᐃᐦᑎᑣᐤ ᐁ ᓈᓂᑑ ᒋᔅᒉᔨᐦᑕᐦᒀᐤ ᐊᓂᔫᐦ ᒉᒀᔫᐦ ᐌᔥᑐᐌᔨᐦᑕᒥᐦᐄᑯᑣᐤ ᐅᒋᒫᐦᑳᓐᒡ, ᑲᔦ ᑳ ᒫᒨᐸᔨᐦᐅᑣᐤ ᒫᒃ ᐁ ᐸᔭᑯᔑᑦ ᐊᐌᓐ ᐊᓂᔫ ᐅᐦᒋ ᐁ ᐃᔑ ᐱᒥᐸᔨᐦᑖᑲᓄᔨᒡ ᑲᔦ ᐁ ᐄᑖᐸᑕᐦᒡ ᐅᔫ ᓇᔅᑯᒧᐎᓂᔫ, ᑲᔦ ᓂᑐᐌᔨᐦᑖᑯᓲᒡ ᒉᒌ ᐅᔑᐦᑖᑣᐤ ᒪᓯᓇᐦᐄᑲᓐᐦ ᐁ ᐐᐦᑕᐦᒀᐤ ᑖᓐ ᑳ ᐃᔅᐸᔨᐦᒡ ᓀᔥᑕ ᐁ ᐐᐦᑕᐦᒀᐤ ᑖᓐ ᒋᐱᒌ ᐃᐦᑎᓈᓅ᙮
ᐃᔨᔨᐤ-ᓇᔅᑳᐲ ᐁ ᒨᒨᐱᔥᑖᑲᓅᒡ ᐋᐸᑎᓰᐦᑲᐦᑕᒻ ᑖᓐ ᐁ ᐃᔑ ᒥᑯᔥᑳᑌᔨᐦᑕᒥᐦᐄᑯᔨᒡ:
ᐃᔨᔨᐤ ᐊᐦᑖᐎᓐᐦ ᑲᔦ ᐊᓂᒌ ᐊᓂᑕ ᐙᒋᑣᐤ:
ᓇᔅᑳᐲ ᐃᔨᔨᐤ ᐊᐦᑖᐎᓐᐦ ᑲᔦ ᐊᓂᒌ ᐊᓂᑕ ᐙᒋᑣᐤ:
ᐊᓂᒌ ᒉᒌ ᐊᔨᒥᐦᐋᑲᓅᑣᐤ ᑳᓃᑳᓇᐱᔥᑕᐦᒃ: ᕆᒐᕐᑦ ᔀᓐᑕᕐᔅ ᑳ ᐊᐱᔥᑕᐦᒃ: ᕎᐸᕐᑦ ᑳᓈᑎᐙᑦ ᑳ ᐊᐱᔥᑕᐦᒃ: ᕕᓕᑉ ᐊᐙᔑᔥ ᐊᓂᑕ ᐅᒪᓯᓇᐦᐄᒉᐅᑲᒥᑯᐙᐦᒡ ᐅᒌ ᒥᔮᒨᐱᔥᑕᐦᒀᐤ ᐅᔫ ᐃᐦᑖᐤ ᐅᒋᒫᐤ, ᔔᓕᔮᐅᒋᒫᐤ, ᐅᒋᒫᐤ ᑳ ᐐᒋᐦᐋᑦ ᐁᒄ ᒫᒃ ᑖᐦᑳᐱᒉᓂᑲᓂᔫ ᑳ ᐅᑎᓇᐦᒃ᙮ ᐅᒌ ᒥᔮᒨᐱᑣᐤ ᓇᓈᑲᒋᐦᑖᐅᒡ ᓇᓈᐦᑰ ᒪᓯᓇᐦᐄᑲᓐᐦ ᐁ ᒥᔮᐅᒋᐦᑖᑣᐤ ᒥᒄ ᐁ ᐃᔑᑯᓯᑦ ᐊᐌᓐ ᐃᔨᔨᐤ ᐊᐦᑖᐎᓂᐦᒡ ᒉᑲᒌ ᑲᓇᐙᐸᐦᑕᒻ ᒫᒃ ᑯᑕᑲᒡ ᐊᐌᓂᒌ᙮ ᐁᑎᑑ ᐐ ᒋᔅᒉᔨᐦᑕᒪᓀ ᒉᒀᓐ ᐊᔨᒥᐦᐄᒡ ᐅᒌ ᒥᔮᒨᐱᔥᑕᐦᒀᐤ ᐁᒋᐦᒋᐸᔨᐦᒡ ᐃᔅᒄ ᐁᓇᒣᔅᒌᔑᑳᒡ 8:30 ᐋᐸᐦᐄᑲᓅ ᐁ ᒉᒋᔐᐹᔮᒡ ᐁᒄ 5:00 ᐁᑯᑦ ᒉᐸᐦᐄᑲᓅᐦᒡ᙮ ᐊᑦ ᐁ ᐃᐦᑕᑯᐦᒡ ᒪᓯᓇᐦᐄᒉᐅᑲᒥᒄ: ᐃᔨᔨᐤ-ᓇᔅᑳᐲ ᐁ ᒫᒨᐱᔥᑖᑲᓅᒡ 222 Queen Street, Suite 305 |