ᐃᔪᐤ ᐅᒋᒪᐅᓐ, ᐃᔪᐤ ᐱᒪᑎᓯᔪᐅᓐ ᐃᑎᓱᐛᐅᓐ ᑭᔭ ᐃᔪᐤ ᐃᑐᐅᓐ 133
ᐊᓐᑕ ᐃᔪᐤ ᑎᐱᐛᐅᓯᔪᐅᓂᒡ ᑎᐸᐃᑎᒧᐅᓐ ᐊᑎᓯᓇᑕᐃᑲᓄᒡ ᐊᓐᑕ ᐊᑭᔅᑭᑎᔅᑕᒡ 35 ᐊᓐᑕ ᑲᓇᑕ
ᐎᓱᐛᐅᓂᒡ, 1982 ᐱᐳᓐ ᑭᔭ ᒋᒥᔅ ᐱ ᐃᔭ ᒋᐛᑎᓄᒡ ᑯᐸᓐ ᓂᔅᑯᒧᐅᓂᒡ ᒐᐎᑐᑕᑲᓄᒡ ᒐᒋ ᓂᔅᑕᑎᓱᓇᓄᒡ
ᐊᓐᑕ ᐃᔪᐤ ᐱᒪᑎᓯᔪᐅᓐ᙮ ᐊᓐᑕ ᐊᐛᐸᑎᐛᓄᒡ ᑭᔭ ᐊᔅᐱᓴᒡ ᐊᓐᑕ ᐃᔪᐤ ᐃᑐᐅᓐ ᐱᒪᑎᓯᔪᐅᓐ ᑭᔭ
ᑲᐸᒡ ᐱᒪᑎᓯᒡ ᐃᔪᐤ ᐊᓇ ᐃᔪᐤ ᐊᔅᒋᔾ ᐊᓐᑕ ᒪᓯᓇᑕᐃᑲᓄᒡ ᐃᔪᐤ ᑎᐱᐛᐅᓯᔪᐅᓐ, ᐊᓐᑕ ᐊᔨᑭᔅᑎᔅᑕᒡ,
ᐊᓱᐛᐎᑕᑲᓄᒡ ᒪᒧ ᐃᔪᐤ ᐃᑐᐅᓐ ᒧᔭᒻ ᐃᔪᐤ ᐱᒪᑎᓯᔪᐅᓐ ᐃᑎᓱᐛᐅᓐ ᑭᔭ ᒪᒃ ᐃᔪᐤ ᑲᐸᒡ ᐃᓯᐱᒪᑎᓯᑦ,
ᐃᔪᐤ ᐃᑐᐅᓐ ᑭᔭ ᐃᔪᐤ ᑲᐸᒡ ᐃᑎᑦ᙮ ᐃᔪᐤ ᐃᑐᐅᓐ ᐊᓐᑕ ᐊᑎᓯᓇᑕᐃᑲᓄᒡ ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ
ᓂᔅᑯᒧᐅᓂᒡ ᒐᒋ ᑲᐤ ᐎᑲᐳᐎᑕᑲᓄᒡ ᑭᔭ ᐊᔅᒐᐃᑕᒂᒡ ᐊᔅᑯ ᐱᒧᑯᑕᒡ ᐃᔪᐤ ᐃᑐᐅᓐ ᑕᑐᐎᒡ ᐊᓯᓇᒂᒡ, ᑭᔭ
ᑕᑈᐃᑎᒧᐅᓇ ᐊᓯᐱᒧᑕᒥᑲᒡ, ᑲᐸᒡ ᐃᑎᓇᓄᒡ ᐃᔪᐤ ᐱᒪᑎᓯᔪᐅᓐ ᐃᑎᓱᐛᐅᓐ ᐊᓐᑕ ᒐᒋ ᐊᔅᑯ ᐱᒧᑯᑕᒡ
ᐊᑲᓄᐛᐃᑕᑲᓄᒡ ᐊᓯᒥᔅᑯᒋᐱᐃᒡ ᑭᔭ ᐊᔅᑕᐃᑕᒂᒡ ᐃᔪᐤ ᐱᒪᑎᓯᔪᐅᓐ ᑭᔭ ᐱᑲᔅᒋᑎᓱᐅᓐ᙮
ᐊᓐᑕ ᑲᓇᑕ ᑲᒥᔅᑐᐛᔅᑕᑲᓄᒡ ᑲᐛᐸᑎᐛᒡ ᐊᓂᔭ ᐃᔪᐤ ᑎᐱᐛᐅᓯᔪᐅᓇ ᔭᐱᒡ ᐊᓱᐎᒍᑕᑲᓄᒡ sui generis
ᐊᓐᑕ ᑎᐸᔅᑯᒐᐅᓂᒡ ᐊᐱᒋᑕᑲᓄᒡ ᐊᐛᐸᑎᐛᓄᒡ ᐊᓐᒡ ᐊᓯᐎᒋᑐᔅᒐᒥᑐᒡ ᐊᓐᒡ ᑲᓇᑕ ᒋᓴᐅᒋᒪᑲᓐ ᑭᔭ ᐃᔪᒡ
ᐅᑕ ᑲᓇᑕ ᐊᓐᑕ ᐊᐛᐎᑕᑲᓄᒡ ᓂᔅᑐᐛᐱᒥᑐᐅᓐ, ᑎᐱᐛᐅᓯᔪᐅᓇ ᑭᔭ ᓂᔅᑯᒧᐅᓇ᙮ ᐅᔭ ᑎᐱᐛᐅᓯᔪᐅᓇ
ᑭᔭ ᐊᓯᐎᒋᑐᔅᒐᒥᑐᓇᓄᒡ “ᐊᑲ ᐊᓐᑕ ᓂᑕ ᐃᓯᓇᒂᒡ”᙮ ᐊᓐᑕ ᐛᒋᓯᓇᒂᒡ ᐊᓐᑕ ᑕᑎᐸᓐ ᐊᓯᓇᑯᓂᒡ
ᑎᐱᐛᐅᓯᔪᐅᓇ ᑭᔭ ᐊᓯᐎᒋᑐᔅᒐᒥᑐᓇᓄᒡ ᐊᓐᑕ ᑲᓇᑕ ᐎᓱᐛᐅᓂᒡ ᑭᔭ ᐊᓯᓇᑯᓂᒡ ᐅᑎᐱᐛᐅᓯᔪᐅᓄᐛᐤ,
ᐊᓐᑕ ᑲᐸᒡ ᐃᓯᓇᑯᓂᒡ ᐃᔪᒡ ᑲᐸᒡ ᐃᓯᐱᑲᔅᒋᔪᒡ ᐅᑕ ᐊᔅᒋᒡ ᑲᓇᑕ, ᐊᔅᑯ ᐅᑕ ᑲᐛᐱᓯᑦ ᐅᔅᑕᑦ ᐅᑕ
ᐊᔅᒋᔪᐤ᙮
ᐊᓐᑕ ᑲᒥᔅᑎᔅᐱᑕᐃᑕᒂᒡ ᐊᓐᑕ ᑲᐃᔅ ᐱᐧᑯᒋᑕᑲᓄᒡ ᒐᒂᓐ, ᐊᓐᒡ ᐃᔪᐤ ᐊᓐᑕ ᐃᔪᐤ ᐊᔅᒋᔾ ᐊᓐᑕ ᐊᑎᒂᒡ
ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ ᓂᔅᑯᒧᐅᓐ ᑲᐎᒐᑎᓯᓇᑲᓄᑦ ᐃᔪᐤ ᐎᓱᐛᐅᓐ ᑲᐃᔅ ᒪᑕᐃᑕᒡ ᐃᔪᒡ ᑭᔭ
ᐃᔪᔅᒋᔭ ᐅᑎᔅᒋᐛᒡ᙮ ᐊᓐ ᐃᔪᐤ ᐎᓱᐛᐅᓐ ᐊᐅᑯᓐ ᐊᓐ ᑲᓇᑕ ᒋᓴᐅᒋᒪᑲᓐ ᑲᐅᒡ ᐛᑎᓯᒪᑦ ᐃᔪᐛ ᑭᔭ
ᑲᔭᔭᑎᓂᒺᑦ ᐅᐱᒪᑎᓯᔪᐅᓂᔪᐤ ᐅᑕ ᑲᓇᑕ ᐊᔅᑎᒋᒪᑲᓄᒡ ᐃᔪᐤ᙮ ᑲᐃᓯᓇᒂᒡ, ᐊᓐ ᐃᔪᐤ ᐎᓱᐛᐅᓐ ᐊᐅᑯᑦ
ᑲᒋᐱᔅᑲᒐᑦ ᒐᒋ ᐊᐱᒋᑕᒡ ᐅᑎᐱᐛᐅᓯᔪᐅᓄᐛᐤ ᐊᓐᒡ ᐃᔪᐤ ᓱᒐᐃᑎᒧᐅᓄᐛᐤ᙮ ᐊᓐ ᐎᓱᐛᐅᓐ ᐊᑲ ᐅᒡ
ᓂᔅᑐᐛᐱᒪᒡ ᑭᔭ ᓂᔅᑯᒧᐅᓇ ᐊᓂᔭ ᐃᔪᐤ ᐱᒪᑎᓯᔪᐅᓂᔪᐤ ᐎᓱᐛᐅᓇ᙮
ᐊᓐ ᐊᐎᒐᑎᓇᑲᓄᒡ ᐃᑎᓱᐛᐅᓐ ᐊᓐᑕ ᐃᔪᐤ ᐎᓱᐛᐅᓐ ᐊᓐᒡ ᐃᔪᐤ ᑭᔭ ᐅᑎᔪᔅᒋᒧᐛᒡ ᐊᔅᒋᔭ
ᑲᐱᑯᓇᑲᓄᒡ ᑲᓇᑕ ᒋᓴᐅᒋᒪᑲᓐ ᒐᒋ ᐛᑎᓱᒪᑦ ᐃᔪᐛ ᑭᔭ ᐅᑎᐱᒪᑎᓯᔪᓂᔪᐤ ᑭᔭ ᐅᑎᐱᐛᐅᓯᔪᓂᔪᐤ
ᒧᔭᒻ ᐃᔅᒋᔄᑕᐤ, ᐊᑭᔅᑭᑎᔅᑕᒡ 24 ᐊᓐᑕ ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ ᓂᔅᑯᒧᐅᓐ ᐊᓂᔅᑐᐛᐱᒪᑲᓄᑦ
ᑎᐱᐛᐅᓯᔪᐅᓐ ᐊᓐᑕ ᐊᑭᔅᑭᑎᔅᑕᒡ 24 ᐊᑎᔅᑕᒡ ᐊᓐᑕ ᒋᒥᔅ ᐱ ᑭᔭ ᒋᐛᑎᓄᒡ ᑯᐸᒃ ᓂᔅᑯᒧᐅᓐ
ᐊᒥᔽᓄᒡ ᐊᓐᑕ ᓂᔅᑐᐛᐱᒥᑐᐅᓐ ᑭᔭ ᐊᔅᑯ ᐊᐱᒧᑯᑕᒡ ᐊᓐᑕ ᒋᒥᔅ ᐱ “ᐊᓐᑐᐤ ᐊᔅᒋᔾ”᙮ ᐅᑕ ᐊᑭᔅᑭᑎᔅᑕᒡ
ᐊᔅᑎᒋᑕᑲᓄᒡ ᐊᓐᑕ ᐊᓂᔅᑐᐛᐸᑕᑲᓄᒡ ᑭᔭ ᐊᔅᒋᔄᒥᑲᒡ “ᒋᒥᔅ ᐱ ᐊᓐᑐᐤ ᐅᒋᒪᐤ᙮” ᐊᓐᒡ ᒋᓴᔪᒡ ᐊᓂᔅᑐᑕᒡ
ᐅᔭ ᐊᑭᔅᑭᑎᔅᑕᐃᒡ ᐊᒥᔽᓄᒡ ᐊᓐᑕ ᓂᔅᑐᐛᐱᒥᑐᐅᓐ ᑭᔭ ᐊᔅᑯ ᐊᐱᒧᑯᑕᒡ ᐊᓐᑕ ᐃᔪᐤ ᐱᒪᑎᓯᔪᐅᓐ
ᐊᓯᓇᒂᒡ ᐊᓐᑕ ᑎᐸᐃᒋᒐᓱᐅᓐ ᐊᓐᑕ ᐸᐸᐃᒄ ᐊᓐᑐᐤ ᐊᔅᒋᔭ (ᐃᔪᐤ/ᐃᓄᐤ ᐊᓐᑐᐤ ᐊᔅᒋᔭ) ᐊᓂᔭ
ᐊᓐᑐᐤ ᐅᒋᒪᐛ (ᒋᒥᔅ ᐱ ᐊᓐᑐᐤ ᐅᒋᒪᐤ)᙮ ᔭᐱᒡ ᐊᓇ ᐊᒥᔽᓄᒡ ᒐᒋ ᓂᔅᑐᐛᐸᑕᑲᓄᒡ ᑭᔭ ᐊᔅᑯ ᐱᒧᑯᑕᒡ
ᐃᔪᐤ/ᐃᓄᐤ ᓄᑎᒻ ᐃᔪᐤ ᐊᓐᑕ ᐃᔪᐤ ᐊᔅᒋᔾ ᒐᒋ ᐊᓐᑐᐅᓇᓄᒡ, ᐊᓐᑐᓂᒪᓴᓄᒡ ᑭᔭ ᐊᓐᑐᒪᓂᓇᓄᒡ ᒥᑯ
ᐊᓯᓇᑯᔅᑦ ᐊᐛᓯᔅ ᐎᓂᐸᑕᒐᑦ ᑭᐃᔅᑭᓐ ᐱᐳᓇ᙮ ᐅᐛ ᑎᐱᐛᐅᓯᔪᐅᓐ ᐊᓐᑕ ᑐᐎᔅ ᐊᐎᑕᑲᓄᒡ ᒐᒋ
ᒥᔪᓂᔅᑐᑕᑎᓱᓇᓄᒡ ᐊᓐᑕ ᒐᒋ ᒋᑕᐸᑕᑲᓄᒡ ᐃᔪᐤ ᐃᑐᐅᓐ ᐊᒋᑕᐸᑕᑲᓄᒡ ᐃᔪᐤ ᐱᒪᑎᓯᔪᐅᓐ, ᐃᔪᐤ
ᑕᑈᑎᒧᐅᓐ ᑭᔭ ᐊᓐᑐᐅᓇᓄᒡ ᐊᓐᑐᐅᓂᒪᓴᓄᒡ ᑭᔭ ᐊᓐᑐᒪᓂᓇᓄᒡ ᑭᔭ ᑯᑎᒃ ᒐᒂᓐ ᐊᑐᑕᑲᓄᒡ᙮ ᐊᐅᑯᑦ,
ᐊᐅᔅᑲᒡ ᐃᑎᓱᐛᐅᓐ ᐊᓱᒐᐃᑕᒂᒡ ᑲᐱᒻᐱᑕᑲᓄᒡ ᑭᔭ ᐊᓄᒡ ᐊᑎᒂᒡ ᐃᑎᓱᐛᐅᓐ ᑲᔭᑎᔅᑕᒡ ᐊᓐᒡ
ᑲᓇᑕ ᑭᔭ ᑯᐸᒃ ᒐᒋ ᐊᔅᒐᐃᑕᒂᒡ ᐛᔅᑕᐱᑎᒡ ᐊᓐᑕ ᑎᐱᐛᐅᓯᔪᐅᓐ ᐃᔪᐤ ᐊᓐᑕ ᐃᔪᐤ ᐊᔅᒋᔾ. ᐊᓐᑕ
ᐊᔅᑕᐃᑕᒂᒡ, ᐃᔪᐤ ᐊᓐᑕ ᐃᔪᐤ ᐊᔅᒋᔾ ᑲᑐᔅᑲᔅᑕᒡ ᐊᓐᑕ ᐛᑐᑕᑲᓄᒡ ᐊᔭᑎᔅᑕᑲᓄᒡ ᑭᔭ ᐊᐎᒐᑎᓯᓇᑲᓄᑦ
ᐊᑲ ᐊᐱᑎᓂᒋ ᐃᑎᓱᐛᐅᓇ ᑯᐸᒃ ᑭᔭ ᑲᓇᑕ ᐊᓐᑕ ᐊᑲ ᑯᐎᔅᑯ ᐃᓯᒋᑕᐸᑕᑲᓄᒡ ᐃᔪᐤ ᐊᓐᑕ ᐃᔪᐤ
ᐊᔅᒋᔾ ᐅᑎᐱᐛᐅᓯᔪᐅᓐ ᐱᒪᑎᓯᔪᐅᓂᒡ᙮ (ᐊᔅᑯ 1975 ᐱᐳᓐ ᑲᓇᑕ ᑭᔭ ᑯᐸᒃ ᑲᐱᒋᑕᒡ ᑭᔭ ᑲᑐᔅᑲᐛᒐᒡ
ᑲᐱᒋᑎᒺᒡ ᐃᔪᐛ, ᑯᔅᒐᐅᒋᒪᐤ ᑲᓐᑐᐅᓇᓄᒡ ᑭᔭ ᑲᓐᑐᓂᒪᓴᒡ ᐃᑎᓱᐛᐅᓂᔪᐤ ᑭᔭ ᐊᓯᓇᓴᐃᑲᓄᒡ ᐊᑲ
ᐊᓐᑕ ᑕᑈᑕᑲᓄᒡ ᒐᒋ ᐊᓐᑐᐅᓇᓄᒡ ᑭᔅᑭᓐ ᐱᐳᓇ᙮ ᐊᐅᑯᑦ, ᒥᒐᑦ ᐃᔪᐤ ᑲᓐᑐᐅᒡ ᑲᒪᑯᓇᑲᓄᒡ ᑭᔭ
ᑲᑐᑕᑲᓄᐃᒋ ᐅᒥᓯᓇᐃᑭᓄᐛᐛ ᐊᓐᑕ ᐊᓱᑎᓇᑲᓄᒡ ᐊᐱᑯᓇᒡ ᑎᐸᔅᒃᒐᐅᓂᔪᐤ ᐊᓐᑐᐅᒡ ᑭᔭ ᐊᓐᑐᓂᒪᓴᒡ
ᐊᓂᔭ ᑲᔅᑎᒥᔎᐃᒋ ᑭᔭ ᑯᐸᒃ ᑲᒪᑯᓄᐛᓯᒋ᙮)
2023-CNC-Report-Nv1.indd 1332023-CNC-Report-Nv1.indd 133 2023-07-30 1:22 PM2023-07-30 1:22 PM