ᐃᔨᔨᐤ ᓇᔅᑳᐲ ᐁ ᒫᒨᐱᔥᑖᑲᓅᒡ

ᒉ ᐃᐦᑎᑦ ᐊᐌᓐ ᐁᐐ ᐸᒋᔥᑎᓇᐦᒃ ᐅᑎᑌᔨᐦᑕᒧᐎᓐ

ᒣᑯᔥᑳᑌᔨᐦᑕᒥᐦᐄᑯᐗᓀ

• ᑖᓐ ᐁᐃᔥ ᐱᒥᐸᔨᐦᑖᑲᓅᐦᒀᐤ ᐊᓂᐦᐄᐦ ᒉᒀᔫᐦ ᔮᐃᒨᑌᒀᐤ ᐊᓂᑕ ᐃᔨᔨᐤ - ᓇᔅᑳᐲ (ᐅᑕ ᑰᐯᒃ) ᐐᔓᐌᐎᓂᐦᒡ, ᒉᐃᒥᔅ ᐯᐃ ᑲᔦ ᒌᐌᑎᓅᑖᐦᒡ ᑰᐯᒃ ᓇᔅᑯᒧᐎᓂᐦᒡ, ᒌᐌᑎᓂᐙᐸᓅᑖᐦᒡ ᑰᐯᒃ ᓇᔅᑯᒧᐎᓐ; ᒫᒃ
• ᐊᓐ ᐁ ᐃᔑ ᐱᒥᐸᔨᐦᑖᑲᓅᐦᒡ ᒫᒃ ᐁᑳ ᐯᒥᐸᔨᐦᑖᑲᓅᑴ ᐅᒋᒫᐎᓐ ᑖᓐ ᐁ ᐃᔑ ᐐᔥᑌᒡ ᐆᑕ ᐐᔓᐌᐎᓂᒡ ᒫᒃ ᓇᔅᑯᒧᐎᓂᐦᒡ,

ᒫᐤ ᒉᒌ ᐃᐦᑎᔨᓐ  

• ᔮᒀᐤ ᒉ ᐊᔨᒥᐦᑖᔨᓐ ᑖᓐ ᐁ ᐃᔑ ᐐᔥᑌᒡ ᐊᓂᑕ ᐯᐦᑳᓂᔥᑌᒡ ᐊᓐ ᐐᔓᐌᐎᓐ ᒫᒃ ᓇᔅᑯᒧᐎᓐ;
• ᒉ ᒫᒥᑐᓀᔨᐦᑕᒪᓐ ᐊᓐ ᑳ ᐊᔨᒥᐦᑖᔨᓐ ᑖᓐ ᐁ ᐃᔑ ᓂᓯᑐᐦᑕᒪᓐ;
• ᒉ ᑲᓇᐙᐸᐦᑕᒪᓐ ᑖᓐ ᒋᐱᒌ ᐃᐦᑎᓐ ᒌᔭ ᒉᒌ ᐅᐦᒋ ᒥᔫᐸᔨᐦᑖᑲᓅᒡ ᐊᓐ ᑳ ᒥᑯᔥᑳᑌᔨᐦᑕᒥᐦᐄᑯᔨᓐ;
• ᒉ ᐎᔦᔨᐦᑕᒪᓐ ᑖᐺ ᓀᑐᐌᔨᒫᐅᑌᓂᒡ ᐊᓂᒌ ᑳ ᒫᒨᐱᔥᑕᒀᐤ ᒉᒌ ᒫᒥᑐᓀᔨᐦᑕᒥᐦᐄᑯᑣᐤ᙮ 

ᐁᒄ ᒫᒃ, ᑖᐺ ᐐ ᐸᒋᔥᑎᓇᒪᓀ ᐊᓐ ᒉᒀᓐ ᒣᑯᔥᑳᑌᔨᐦᑕᒥᐦᐄᑯᔨᓐ ᒫᐤ ᒉ ᐃᐦᑎᔨᓐ

• ᒪᓯᓇᐦᐋᐦ ᐊᓐ ᒉᒀᓐ ᒫᒃ ᒉᒀᔫᐦ ᒣᑯᔥᑳᑌᔨᐦᑕᒥᐦᐄᑯᔨᓐ ᑲᔦ ᒉ ᐊᓯᒋᓯᓇᐦᐊᒪᓐ ᑖᓂᑕ ᐁ ᐃᑌᔨᐦᑕᒪᓐ ᐁ ᐃᔑ ᔮᐃᒧᑌᒡ ᐊᓂᑕ ᐐᔓᐌᐎᓂᐦᒡ ᒫᒃ ᓇᔅᑯᒧᐎᓂᐦᒡ;
• ᒉ ᒫᒨᓇᒪᓐ ᒥᓯᐌ ᐊᓂᔫᐦ ᒪᓯᓇᐦᐄᑲᓐ ᑖᓐ ᑳ ᐃᔑ ᒥᔅᑲᒪᓐ ᒉ ᐐᒋᐦᐄᐌᐸᔨᐦᒀᐤ;
• ᒉ ᑖᐦᑳᐱᐦᒉᓂᒉᔨᓐ ᐅᒪᓯᓇᐦᐄᒉᐅᑲᒥᑯᐙᐦᒡ ᐃᔨᔨᐤ ᓇᔅᑳᐲ ᑳ ᒫᐴᐱᔥᑕᐦᒀᐤ 1-800-236-6603 ᐁᒄ ᒉ ᐐᐦᑕᒪᓐ ᒉᒀᓐ ᐊᓐ ᐌᔥᑐᐌᔨᐦᑕᒥᐦᐄᑯᔨᓐ ᒫᒃ ᑲᔦ
• ᒉ ᒪᓯᓇᐦᐊᒨᑣᐤ ᐊᓂᒌ ᑳ ᒫᒨᐱᔥᑕᐦᒀᐤ ᐅᔫ ᒉ ᐐᐦᑕᒨᑣᐤ ᐁᐐ ᐸᒋᔥᑎᓇᒪᓐ ᒋᑕᔨᒧᐎᓐ ᒉ ᐊᓯᑎᓇᒪᓐ ᑲᔦ ᐊᓐ ᒪᓯᓇᐦᐄᑲᓐ ᐁ ᐋᔨᒨᑕᒪᓐ ᐊᓐ ᒉᒀᓐ ᑳ ᐅᔥᑖᐸᔨᐦᐄᐌᒡ ᒫᒃ ᐁ ᐅᔥᑕᐌᔨᐦᑕᒥᐦᐄᑯᔨᓐ᙮

ᒥᔅᑲᐦᑫ ᒫᒃ ᐊᓂᔫ ᒋᒪᓯᓇᐦᐄᑲᓂᔫ, ᐊᓐ ᓈᑳᓂᔥᑲᒃ ᐅᔫ ᐁ ᒫᒨᐱᔥᑖᑲᓅᔨᒡ ᑲᑕ ᐊᔨᒥᐦᐁᐤ ᐊᓂᔫ ᒥᔮᐴᐱᔨᒡ ᒦᓐ ᓂᔥᑐᐐᑣᐌᓂᒡ ᐌᔅ ᒣᓯᑯᒻ ᐲᓯᒻ ᓂᔥᑐᐎᔫᒡ ᐅᒌ᙮ ᐃᑌᔨᐦᑕᐦᒀᐌᓂᒡ ᒫᒃ ᐊᓂᒌ ᑳ ᒫᒨᐱᔥᑕᐦᒀᐤ ᐁ ᐃᑌᔨᐦᑖᑯᓂᔨᒡ ᒉᒌ ᑲᓇᐙᐸᐦᑖᑲᓄᔨᒡ ᐊᓂᔫ ᑳ ᐋᔨᒨᐦᐄᐌᔨᒡ ᐅᐦᒋ ᐊᓂᔫ ᐐᔓᐌᐎᓂᔫ ᑲᔦ ᓇᔅᑯᒧᐎᓐᐦ, ᐁᒄ ᒉ ᐐᔖᒥᑯᔨᓐ ᐁᑎᑑ ᒉᒌ ᐊᔨᒥᑐᑖᑲᓅᐦᒡ᙮ ᐁᐅᑰ ᓃᔥᑕᒻ ᐐᔖᒥᑯᔨᓀ᙮ ᒌᔥᒀᐤ ᐃᐦᑑᑖᑲᓅᐦᒉ ᒫᒃ ᐆ, ᐊᓂᒌ ᑳ ᒫᒨᐱᔥᑕᐦᒀᐤ ᑲᑕ ᐎᔦᔨᐦᑕᒧᒡ ᒉ ᓂᑐᐌᔨᐦᑖᑯᓂᔨᑴ ᒉᒌ ᓂᑑ ᒋᔅᒉᔨᐦᑖᑲᓄᔨᑴ ᐅᔫ ᐊᓐ ᐐᔓᐌᐎᓐ ᐁ ᑲᓇᐙᐸᐦᑖᑲᓅᐦᒡ᙮ ᐊᓐ ᓈᑳᓂᔥᑲᒃ ᒋᑲ ᐐᐦᑕᒫᒄ ᑖᓐ ᑳ ᐃᔑ ᐎᔦᔨᐦᑕᐦᒀᐤ ᑲᔦ ᑖᓐ ᒉ ᐊᑎ ᐃᐦᑎᓈᓅᐦᒡ ᐁᑎᑑ᙮ ᐃᑌᔨᐦᑕᐦᒀᐌᓂᒡ ᒫᒃ ᐁᑳ ᓂᑎᐌᔨᐦᑖᑯᓂᔨᒡ ᒉᒌ ᐱᒦᐦᑳᑲᓄᔨᒡ, ᒋᑲ ᐐᐦᑕᒫᑯᓐ ᒉᒀᔫ ᐊᓂᔫ ᐌᐦᒋ ᐃᑌᔨᐦᑕᐦᒀᐤ ᑲᔦ ᒋᑲᒌ ᐃᔑᓈᑯᓐ ᐁ ᐐᐦᑕᒫᑯᔨᓐ ᑖᓐ ᒦᓐ ᒉᒌ ᐃᐦᑎᔨᓐ᙮